الصفحة الرئيسية / اخبار عاجلة / الفنان ياسر جلال يعلق على تبرعه بمبلغ 3 ملايين جنيه لصالح صندوق تحيا مصر

الفنان ياسر جلال يعلق على تبرعه بمبلغ 3 ملايين جنيه لصالح صندوق تحيا مصر

كشف الفنان ياسر جلال كواليس تبرعه بمبلغ 3 ملايين جنيه، لصالح صندوق تحيا مصر، اليوم الأربعاء، داعيًا زملائه الفنانين للتبرع في الصندوق من أجل حياة اقتصادية أفضل لمصر.
وقال ياسر جلال أنا قررت إني أتبرع لصندوق تحيا مصر بمبلغ 3 ملايين جنيه.. اللهم لك الحمد والشكر اللي معايا مش كتير أوي عشان أستقطع منه مبلغ بالحجم ده عشان أتبرع بيه، بس بعمل ده لبلدي وعن طيب خاطر، والله العظيم ما حد قالي اعمل كده خالص، ولا حد قالي اطلع قول الكلام ده.
وأضاف: طبعًا كلنا وكل الشعب المصري بنتبرع في مناسبات كتير للمستشفيات والجمعيات الخيرية مش بنقول، عشان دي بتبقى حاجة بينا وبين ربنا سبحانه وتعالى، لكن المرة دي بأعلن عن الجهة اللي اتبرعت ليها؛ لأني أتمنى إن كلنا نشترك ونعمل كده، وكل واحد يعمل اللي يقدر عليه، وأدعو زملائي النجوم كي يتبرعوا وفيه منهم عمل كده قبل كده ولكن بطلب إنهم يكرروا عشان ده شيء عظيم.
وتابع ياسر جلال: أنا راجل لا غاوي شهرة ولا منظرة ولا نجومية، أنا راجل بشتغل وبخلص شغل وبروح أقعد في بيتي مع مراتي وولادي، وربنا يعلم إني بعمل ده عشان شايف إن بلدنا بتمر بأزمة كبيرة والعالم كله بيمر بأزمة كبيرة، وانعكاس ده واضح على الحالة الاقتصادية لمصر.
واختتم ياسر جلال حديثه، قائلًا: إن شاء الله الأزمة دي هتعدي وطول ما احنا واقفين ضهر وسند لبعض ربنا يحفظ مصر ويستر شعب مصر ويسترنا ويرزقنا ويحمي الشعب المصري كله، كل سنة وأنتم طيبين ياسر جلال

شاهد أيضاً

رسميًا إمام عاشور خارج نادي الزمالك

أعلن إمام عاشور لاعب فريق الزمالك، رغبته في الرحيل عن صفوف الأبيض، خلال فترة الانتقالات …

ناصر منسي يدغدغ مشاعر جماهير الأبيض

أكد ناصر منسي مهاجم نادي الزمالك الجديد على سعادته بالانضمام للقلعة البيضاء، مؤكدا أن الانضمام …

مرتضى منصور ينتظر رد إمام عاشور

تحدث مرتضى منصور رئيس نادي الزمالك عن العرض الدنماركي المقدم لـ إمام عاشور لاعب الفريق …

إتحاد الكرة يتخذ إجراءات جديدة ضد نادي الزمالك حول قيد اللاعبين خلال الميركاتو الشتوي

قال مصدر داخل الاتحاد المصري لكرة القدم إن نادي الزمالك لا يزال لم يُسدد قيمة …

تعادل سلبي بين ريال مدريد وريال سوسييداد

انتهت مباراة ريال مدريد وريال سوسييداد بالتعادل السلبي بين الفريقين، في المباراة التي جمعت بينهما، …