الصفحة الرئيسية / اخبار عاجلة / المطرب الشعبي عمدة عن باسم سمرة شوارعجي وسكير وفاضي وهلاس وأرى فيه نسخة عمارة يعقوبيان

المطرب الشعبي عمدة عن باسم سمرة شوارعجي وسكير وفاضي وهلاس وأرى فيه نسخة عمارة يعقوبيان

تحدث المطرب الشعبي عمدة، عن واقعة حدثت بينه وبين الفنان باسم سمرة، مشيرًا إلى أن ما حدث بينهما بسبب إفراط باسم في تناول الخمور التي جعلته غير واعِ لتصرفاته في أحد الملاهي الليلة.
وظهر عمدة في مقطع فيديو تم تداوله على فيسبوك ساردًا تفاصيل الوقعة: جاء باسم سمرة في الملهى الليلي الخاص بي، برفقة مخرجة ومخرج يدعى إبراهيم، وهو في قمة عدم الوعي، فأوصيت العاملين بالاهتمام به واتقاء ما يفعله خاصةً أني أعلم بكم المشاكل التي يُحدثها وهو مخمور.
وأضاف: فيه فنان كنت بحبه بس هو قليل الأدب وهقولكوا قليل الأدب ليه، وهو باسم سمرة الممثل وفي التمثيل بيعجبني جدًا زمان في فيلم الجزيرة ويعقوبيان، ووصيت الناس عليه، لأن أنا مش جديد أنا في الوسط الفني من عشرين سنة.
وتابع عمدة: وفجأة لقيناه بيسلم على الستات ويبوس إيديهم وهو راجل ونجم يعني بس، فقولتله يا نجم ممكن تخاف على شكلك شوية بلاش الطريقة دي عشان الناس هتزعل منك، ورد عليا لا أنا بعمل إيه أنا برقص اهوه، وبعدها بشوية وقع على ترابيزة تانية وهو بيرقص، وفي الآخر زود قلة الأدب، أنا بقولك لو مش قد السكر ماتسكرش ومش قد الشرب ماتشربش
واستكمل عمدة حديثه: أنا من البيت للكباريه معنديش مشكلة وواضح وصريح وشغلي شرعي طبقًا لقانون الدولة، فمش موضوع تريند واللي يعارفني عارف إن ماليش في الكلام ده، واللي خلاني اتكلم معاك بلهجة شديدة في الحوار هو إني شوفتلك كذا موقف مع فنانين شباب جداد وحظك إنهم لسه شباب مؤدبة بيشتروا خاطر الناس أنا مابشتريش غير الأصول والرجولة من باب واحد وانت مبتفهمش فيهم، لأن أنت لو جايلي ضيف أنا مش بتكلم في ماديات والموضوع مش ماديات خالص، بس تحترم البيت أو المكان اللي أنت داخله وشغلك احترمه، بس هو واضح إنك فاضي وهلاس ومعندكش فن تقدمه وبقيت بتقول أي حاجة في أي حاجة، عايز تعمل تريند.
وأردف: باسم سمرة اللي شوفته في أول حاجة عمارة يعقوبيان لما كان مش راجل، أول ما بقى راجل مبقاش يفهم في الرجولة، واضطريت إني ألجأ لقواعد شغلي وكلمت اللي ماسك شركة الأمن عندي ويتفضل وميدفعش مليم وهنستأذنك مش هينفع تكمل عشان أنت مبسوط زيادة عن اللزوم وتروح ونوصلك لحد البيت كمان، وقال مش هخرج من هنا وطز في فلان وعلان، عايز أقولك كلمتين، وربنا يهديك ويكرمك لنفسك وبطل تبقى شوارعجي وعربجي الفنان يبقى محترم وراقي بيطور من حياته وثقافته ومعيشته مش قليل الأدب وصاحب علي علوكه وأشرف كخة زيك، بس أنت مش محترم ومش جدع ورجعت بليل تتصل بيا تقولي أنا مش هحلك ومش هسيبك وكلمت فلان وعلان انت متعرفنيش وقولتله بص ياض أنت مش راجل واللي بيعمل مبيقولش أنا هعمل ولو عايز اجيبك لو ليا حق هلجأ للقانون الأول ولو مجابوش هجيلك قلب بيتك فربنا يهديك وبطل تتمنظر على الشباب الجداد.
وأشار عمدة إلى أن باسم سمرة ظلم المطرب عمر كمال، قائلًا: عمر كمال شاب ونجم جميل لسه جديد متجيش عليه، وبقولك قدام الناس، وأقولك العمدة نو والعمدة بحب الناس مالوش في المشاكل ولو عايزني انا موجود ومكاني وبيتي معروف وتحت أمرك وأمك وأبوك، والرسالة وصلت وشكرًا المرة الجاية هكلمك من قلب بيتك.

شاهد أيضاً

تعرف على طريق مصر فى مشوار البطولة العربية

أسدل الستار على مباريات دور المجموعات من بطولة كأس العرب 2021، بمباراة دراماتيكية بين منتخب …

محافظ البحيرة يقرر تعطيل الدراسة وتأجيل امتحانات الصف الرابع

قرر اللواء هشام آمنة، محافظ البحيرة، قبل قليل تعطيل الدراسة، غدا الأربعاء، الموافق 8 ديسمبر …

كيروش ينجح في الإختبار الصعب

انتهت مباراة منتخب مصر أمام منتخب الجزائر ضمن مباريات الجولة الثالثة، من دور المجموعات لبطولة …

كارتيرون يكذب مرتضى منصور حول حصوله على مرتبه الشهري

نفى مصدر مقرب من الفرنسي باتريس كارتيرون  المدير الفني للفريق الأول لكرة القدم بالزمالك، أن …

تأجيل محاكمة المتهمين فى واقعة تقديم الكفن بعين شمس لإتهامها بالنصب

 أجلت محكمة جنح مستأنف عين شمس برئاسة المستشار محمد سليمان، محاكمة لـ 5 متهمين في …